上周六,iPhone 老手炒家、新手炒家、真正用家,都走上 Apple Online Store(AOS)訂購 iPhone 6s。訂完機,有人話已經收到「訂單處理中」電郵;有人就連一封電郵都收唔到!有 iPhone 新手炒家向本站求助,問「周六預訂之後,究竟等乜?」ezone.hk 玩嘢神回覆,答完「等埋發叔」之後,當然要認真回答。事實上,以下 Apple 產品預訂程序,大家一定要了解。

注意 01:收到電郵不等於一定有機

from: http://www.appletrade.net

即使收到「訂單處理中」電郵,也不代表一定能成功購買 iPhone 6s 或 iPhone 6s Plus。因為 Apple 會「處理」成千上萬的訂單,會因為不同原因,取消部分訂單,亦即所謂「Cut 單」。有網友向 ezone.hk 報料,日前已收到 Apple 的 Cut 單通知;若閣下不幸被 Cut 單,不妨試用「死單翻生術」試一試。

訂完 iPhone 6s 依家等乜? 【新手必讀】有網民竟然收到 PFS (Prepare for Shipment)?
即使收到呢封「訂單處理中」電郵,亦不代表一定可以買到 iPhone 6s。

注意 02:乜都未收可能都有機

如果閣下於 9 月 12 日成功預訂,卻至此刻也收不到任何電郵,亦可放心。這不代表 Apple 拒絕閣下訂購,可能只是仍在處理訂單,未及確認而已。

注意 03:轉「PFS」先叫「真.成功」

常聽到老手炒家說「PFS 未?」,其實咩為之「PFS」呢?PFS 即 Prepare for Shipment,中文指「準備出貨中」。如果訂單狀態轉為「PFS」,代表買賣雙方都無法「Cut 單」,換句話說閣下已成功購買 iPhone 6s,只待送貨上門而已。

注意 04:未有咁快轉 PFS

根據慣例,經 AOS 選購 iPhone,由「訂單處理中」轉為「PFS」一般要等一兩個星期,又或者距離送貨前一星期左右。如今(9 月 15 日)距離 9 月 12 日首天預訂日才幾天,正常嚟講唔會咁快轉 PFS。不過,網上討論區就有網友分享自己的電郵截圖,表示自己已經收到「PFS」電郵,惟及後有其他網友指出截圖可能是「改圖」。

訂完 iPhone 6s 依家等乜? 【新手必讀】有網民竟然收到 PFS (Prepare for Shipment)?
討論區上有網友上載 PFS 電郵截圖,但隨即有其他網友指出係「改圖」。

注意 05:收到 PFS 就「等運到」

收完 PFS,當然就係「等運到」啦!之後會好快收到「產品正在運送途中」的電郵,此時買家有機會收到速遞公司名稱及追蹤編號。

各位新手炒家,相信睇完上述幾點,你應該知道依家呢段期間,你除咗「等埋發叔」之外,仲需要「等乜」啦!

 

      • 訂完 iPhone 6s 依家等乜? 【新手必讀】有網民竟然收到 PFS (Prepare for Shipment)?
      • 訂完 iPhone 6s 依家等乜? 【新手必讀】有網民竟然收到 PFS (Prepare for Shipment)?

  
  
按以下按鈕下載香港二手買賣APP
我們是一個香港免費二手買賣交易APP,超簡單易用,買賣分類超齊全!!
下載我們最新Android App